ஒரு தாயிடமிருந்து

அன்புள்ள மகனுக்கு

கலங்கிப்போன உன்

மனதுக்கு ஆறுதலாய்

அம்மாவின் அன்பு மடல்

குழந்தைகள் நடை

பயிலும்போது பல தடவைகள்

தடுக்கும் அதுபோலத்தான்

சாதிக்க துடிக்கும் போது

சறுக்கல்களை சந்திக்க

நேரிடும்

நீ கருவில் இருக்கும்

போது தவறியும் உன் கால்கள்

பட்டதில்லை இந்த தாயின்

வயிற்றில் அப்போது பயந்தேன்

ஆனால் கருவறையிலேயே

நீ கற்றுக்கொண்ட பாடம் அது

பெண்ணுக்கு பிரசவம்

மறு ஜென்மமாம் அந்த

பாக்கியம் எனக்கும்

கிடைத்தது உன்னால்

தாயென்ற அந்தஸ்து தந்த

தலைமகனே நிச்சயமாய்

எனக்கு தெரியும் நீ

சாதிக்கப் பிறந்தவன்

சோதனைகளை உன்

சாதனைகளின்

படிக்கட்டுகளாக்கு

உலகம் உன்னை நிமிர்ந்து

பார்க்கும்.

***